سوريا- تزايد الإقبال على سوق الألبسة المستعملة بالرقة لرخص أسعاره
المكان: الرقة-سوريا
اللغة: العربية
مدة التقرير: 00:05:33
الصوت: طبيعي
المصدر: وكالة A24
الاستخدام: مشتركو وكالة A24
تاريخ تصوير المادة: 21/01/2022
المقدمة:
تعد سوق الرقة للألبسة المستعملة من أشهر الأسواق التي تنشط كل يوم الجمعة، ويرتادها غالبية سكان المدينة؛ نظرا لرخص أسعار الألبسة فيها، بالمقارنة مع الألبسة الجديدة في الأسواق.
ويرى سكان المدينة أن هذه السوق توفر لهم الكثير من احتياجاتهم بأبسط الأسعار، نظرا لعدم قدرتهم على شراء الألبسة الجديدة بسبب غلاء أسعارها. وتقع سوق الألبسة المستعملة بالقرب من حديقة البيضة، وتم افتتاحها بعد تحرير مدينة الرقة؛ لسد حاجة الناس من ذوي الدخل المحدود الذين ليس بمقدورهم شراء الألبسة الجديدة. ويؤثر ارتفاع قيمة الدولار الأمريكي مقابل الليرة السورية على البضائع بشكل عام بما فيها الألبسة، وبالتالي يؤثر بشكل كبير على حركة الأسواق وضعف القدرة الشرائية لدى السكان الذين تصل رواتبهم لأقل من 60 دولارا شهريا.
لائحة المشاهد:
مقابلة (محمد الأحمد-من أهالي الرقة):
“نجي طبعا على سوق الجمعة لأنه رخيص يعني أرخص من محلات الجوا بالسوق، فالناس كلياتها تقبل على هاد السوق يعني هو يفتح كل يوم جمعة وإقبال الناس عليه لأنه رخيص كله بالة ورخيص، والناس تتجه باتجاه الرخص، ومن هالباب الناس تجي لهون”.
مقابلة (نازحة من دير الزور):
“اجينا عالسوق لهون بسبب ارتفاع الأسعار ندور عالرخص ونتمنى إنو التجار يراعوا ظروف الفقراء بالمنطقة لأنه الوضع تعبان جدا، والناس ما تقدر تشتري شي جديد، لذلك العالم تلتجئ لسوق البالة مشان تشتري هدوم لولادها، متل وضعي أنا ووضع غيري، مثلا أنا أرملة وعندي أطفال ما أقدر اشتري بيجامات جدد لأولادي بدي أشتري بالة وارتفاع الدولار خرب بيوتنا كلياتنا”.
مقابلة (عبد الفتاح عسكري-بائع ألبسة مستعملة):
“الراتب ما يكفي عندي نهارين عطلة وأشتغل فيهم، لأن عندي 5 ولاد، والراتب فعلا ما يكفي قلنا شوي نشتغل شغل تاني مشان شوي توفي معانا وهاد يلي نعاني منه هاد.
بالبيت الوضع تعبان خالص وأبوي وأمي معي بالبيت والراتب ما يكفي وإجباري اشتغل بالنهارين مشان شوي أساعد حالي وعلى الله.. نبيع بالة وايش بدنا نسوي الوضع تعبان بشكل عام لكل العالم”.
مقابلة (أحمد الويص-من سكان الرقة):
“طبعا مقارنة مع دخول الأهالي وأحوالهم يتجهون لشراء ألبسة البالة كونهم لا يستطيعون الشراء من محلات الألبسة الجديدة لارتفاع أسعارها، يتراوح سعر الجاكيت الرجالي مثلا بحدود 15-20 ألف مقارنة بالأسواق 100 ألف وممكن أكثر يعني، فهذا السوق يناسب جميع الفئات ويسد حاجات جميع الأهالي.
التعليقات مغلقة، ولكن تركبكس وبينغبكس مفتوحة.