المكان: القامشلي – سوريا
اللغة: العربية
مدة التقرير: 00:05:25
المصدر: وكالة A24
الاستخدام: مشتركو وكالة A24
تاريخ تصوير المادة: 19/3/2022
المقدمة
انتشرت في الآونة الاخيرة بشمال وشرق سوريا ظاهرة تربية الحيوانات وبخاصة تربية الكلاب والطيور، حيث يقوم هوكر حسن في إحدى المزارع بشرق مدينة القامشلي بتربية أنواع عديدة من الكلاب من فصائل وأجناس وسلالات مختلفة منها الألمانية والفرنسية والأوكرانية إلى جانب أنواع معروفة في المنطقة، يقول هوكر بأن الناس باتت ترغب في تربية الكلاب بشكل كبير في السنوات الأخيرة، بعد أن كانت هذه الثقافة تكاد تنعدم فيما مضى سوى في حراسة القرى وتربية الاغنام، أما الآن فإن السكان يحصلون عليها في منازلهم ومزارعهم لأجل الترفيه، ويحاول المربي هوكر العمل على تنشيط سلالة حيوانات باتت شبه منقرضة من خلال إجراء عملية التزاوج لفصيلة صافية بهدف إحياء هذه السلالة من جديد كما يقول.
لائحة المشاهد
-مقابلة( هوكر حسن – مربي سلالات من الكلاب ):
“من الاول يعني كل العالم كان لهم رغبة على الوزاني أو البذرة الكانغالية لأنه كلهم بالضيع كانوا مشان تربية الأغنام، بس هلا صاير كتير طلب ع لأنواع التانية يعني الكلاب الأجنبية فينا نقول، هلا يلي عندي جيرمان وعندي شارلو وعندي دوبرمان، وهاي كلها مسميات الها أصول والها سلالات وبالمنطقة عنا صار كتير طلبية على هالكلاب، قبل كان بس الزوزاني كانت العالم ترغبو أكتر بس هلا الطلب صاير كتير كتير على هالنوعية وعالهاسكي وعالدوبرمان وعالشارلو وعالقوقازي وعالمستويات الأجنبية وكلاب معروفة وإلها اسم بالعالم يعني.
بكم سنة أخيرة كل العالم صارت ترغب كلاب يعني وترباية الكلاب يعني واحد ياخذله جوز عالبيت أو عالمزرعة او على شي يعني صاير عليهم كتير طلب مثلا وهلا عندي في كتير كتير طلب عالأنواع التانية يعني وخاصة هالنوع مثلا الجيرمان والهاسكي في كتير طلبية عليهم ودائما العالم ترغب هالأنواع هاي:.
-مقابلة( هوكر حسن – مربي كلاب ):
“هاي الفصيلة في إلها اسمين يعني العامية يسموها كانغال وعنا بالمنطقة يسموها زوزاني وهالنوعية هلا صاير ضعيف وما ضل عنا كتير بالبلد بهالحجم وبهالضخامة وبهالسلالة الصافية قليل، يمكن في بس أغلبها يصير بندوق وبيكون مبندق مع غير نوع وهالفصيلة العالم كتير ترغب إلها عنا بالمنطقة وهاي مثلا العالم تاخدها للغنمات تبعها وولحراسة القرى يعني، هلا هاي الفصيلة هدفي الأول والأخير منها أنه يزداد عنا كمان وما تنقطع هالفصيلة يعني، بيجوز هلا في مثلا سلالة بس مو صافية ليش بيكون مثلا الأم شكل والأب شكل تلقائيا يطلع بندوق وطلع سلالة ضعيفة يعني بس هادا النوع مبين سلالة صافية يعني وهالجراوي تبعهم نفس السلالة، مو من نفس الأب بس نفس السلالة يعني، ويعتبرو كلاب كتير ضخمين هلا إذا تشوف هاي عمرها صار شي أقل من 40 يوم بهالضخامة عمرها أقل من 40 يوم”.
التعليقات مغلقة، ولكن تركبكس وبينغبكس مفتوحة.