المكان: القحطانية-سوريا
اللغة: العربية
مدة التقرير: 00:05:05
الصوت: طبيعي
المصدر: وكالة A24
الاستخدام: مشتركو وكالة A24
تاريخ تصوير المادة: 22/03/2022
المقدمة
خرج أهالي مدن شمال شرق سوريا من الشعب الكردي، إلى أحضان الطبيعة مع بزوغ ساعات الفجر الأولى، للاحتفال بعيد النوروز، الذي يعتبر عيدا قوميا للكرد في كافة دول العالم.
وفي هذه المناسبة؛ يرتدي أبناء الشعب الكردي من نساء ورجال وأطفال اللباس التقليدي، ويحتفلون بقدوم العيد بإقامة الحفلات في أحضان الطبيعة، والرقص وإطلاق الأهازيج فرحا بالعيد. خاصة أن أبناء المنطقة حرموا لفترة طويلة من الاحتفال بأعياد النوروز بسبب منع السلطات لها قبل اندلاع الأزمة في سورية، لكنها الآن تقام بكل حرية. ويجتمع الأهالي في هذه المناسبة في أجواء ربيعية بغرض الاحتفال والرقص والغناء، ويقومون بتناول الأطعمة الشهية مع بعضهم بعضا ويقضون أفضل الأوقات معا.
لائحة المشاهد:
المقابلة (جيان تمو-محتفلة من القامشلي):
“صرلنا شهر تقريبا عم نجهز لهاليوم الحمد لله مرقت بخير من دون مشاكل، قبل الثورة كان في كتير مشاكل يعني وبصعوبة لنطلع بهالمناسبة بس أكيد كنا نخاطر ونطلع يعني ما نخاف، جاي مع أهلي وناسي ومحبيني وأهنئ الجميع بهاليوم وعيد نوروز مبارك عالجميع”.
المقابلة (نورهان-محتفلة من قرية تربسبيى: القحطانية):
“مع أنه الجو شوي برد بس حلو وانبسطنا أنا طالعة مع أهلي ورفقاتي وأخواتي جايين هلا عم نحتفل وعم نرقص مع الفرقة، وبعد شوي بنروح مشان نعمل مشاوي وهيك، مع الظروف المو حلوة كمان بس كل سنة لازم نحتفل”.
مقابلة (نازى-مواطنة من القامشلي):
“متل كل سنة جايين نحتفل ببداية الربيع 21 آذار نوروز الكرد، الحمد لله في عالم كتير لسا ونحن مبسوطين كتير أنو لسا عم نحتفل برغم كل شي صار عنا، وإن شاء لله السنة الجاية نحتفل باحتفاليات أكتر وأكتر وتكون الأوضاع أحسن من هيك بكتير ويكونوا الكل مبسوطين وبتمنى نوروز الجاي أكون كمان عند أهلي متل كل سنة ونعايد كلياتنا سوا ونرجع تلتم كل العيلة من جديد ونكون مع بعض”.
مقابلة (مواطن من القامشلي):
“بداية آذار تبدأ الاستعدادات لهذا العيد، استعدادات العيد هي عبارة عن تجهيز الألبسة والأعلام والرايات والشعارات ويتوج بيوم 20 آذار ليلا بإيقاد شعلة نوروز في كافة القرى والمناطق على أنغام الموسيقا الكردية والشعارات والهتافات التي تجسد معنى الحرية والسلام بين الشعوب في 21 آذار صباحا ننطلق لمكان الاحتفال نحن الآن في منطقة اسمها دريجيك ونحن مجموعة أهل وأصدقاء عم نحتفل مع بعض وكل سنة متل هالوقت نحتفل بهالمنطقة هاي ومرة تانية أهنئ كافة شعوب المنطقة”.
التعليقات مغلقة، ولكن تركبكس وبينغبكس مفتوحة.